Nagnaba it 11 percent ro kremin sa Western Visayas sa first half it 2024 base sa Police Regional Office (PRO) 6.
Base sa pamunuan it PRO-6, ro nagnaba hay ro index ag non-index crimes nga kabahin sa Peace and Order Index (POI). Mabahoe ro gin-naba it index crimes nga umabot sa 23.64 percent ag ro sa bahin it non-index crimes hay nagnaba sa 8.22 percent.
Nagnaba man ro focus crimes parehu it murder, homicide, physical injury, rape, theft, ag carnapping it motor vehicles ag motorcycles.
Suno kay PRO-6 Regional Director Brigadier General Jack Wanky, ro pagnaba it mga kremin sa rehiyon hay bangud sa pagbueoligan it mga kapulisan, LGUs, komunidad ag iba pa. // ANN DESLENE SALAZAR
