NAGKAUYON ang mga miyembro sa konseho nga magduso sila og ordinansa aron nga makakolekta ang syudad og dugang buhis gikan sa e-sabong gumikan atol sa pandemya walay kita ang lokal nga gobyerno.
Sa panaghisgot sa mga konsehal kalabot sa himuong lakang gisugyot ni Kagawad Richard Atendido nga magduso sila og measure kay sa panahon nga siya kapitan luwas sa amusement tax, nagakolekta sila og buhis sa matag largada apan gipasikad og resolusyon sa Sanggunian.
Sumala usab sa chairperson sa komitiba sa Games and Amusement nga si Kagawad Franklin Gacal Jr. nga ang dakung kita karon sa e- sabong naga- adto sa online operators.
Gitawag usab ni Kagawad Rosalita Nuñez nga murag swindling ang nahitabo kay ang mga adunahan na sa industriya ang makasapi samtang ang mga kristo, vendors walay kita sa e-sabong.
Tubag ni Gacal sa sugyot ni Atendido mamahimo sila nga moduso og measure aron makakolekta matag largada sa e-sabong nga ginahimo sa gallera sa syudad.
Sumala usab kay Kagawad Jose Edmar Yumang ilaha na lang sun-on ang gihimo sa Davao ug Nueve Ecija nga nagduso og ordinansa nga nagatakda og P250 pesos matag largada aron nga mokita ang syudad kay wala gayoy collection ang City Treasurers Office gikan sa amusement tax atol sa pandemya gumikan gibawal ang pag-adto sa mga tawo sa Gallera.
Kahibaluan nga sa EO 25 sa syudad gibawal ang pasabong luwas sa e-sabong nga ilawom sa pagdumala sa PAGCOR ug may dakung capital alang sa cashbond sa online operators. ( Ever Diazon)
File photo of SP Gensan
