GIAWHAG sa usa ka konsehal ang law enforcers sa GenSan nga pakusgan pa ang kampanya batok pagpangilad.
Ang panawagan ni Konsehal Froebel Kan Balleque ang dungan sa pagduso niini og resolusyon sa konseho kalabut sa ‘bugas scam’.
Matud ni Balleque, angayang mas pakusgan pa sa kapulisan, Criminal Investigation and Detection Group (CIDG) ug National Bureau of Investigation (NBI) batok sa pagpangilad.
Kini dungan sa sunod-sunod nga pagpakitabang sa Brigada sa mga indibidwal nga nabiktima sa pagpangilad.
Samtang nagpahimangno usab si Police Lt. Col Rexor Jake Canoy, spokesperson sa GenSan City Police Office (GSCPO) nga likayan nga dili magpailad sa tanyag nga ‘too good to true’. I Richel Gubalani
