Gumikan sa nagpadayon nga rapid damage assessment sa mga imprastraktura ug pasilidad human sa magnitude 7.4 nga linog sa milabay’ng gabii, suspendido gihapon ang klase sa tanang lebel sa tibuok Davao City karong adlawa, Martes, Disyembre 5,2023.
Labi pa nga padayon gihapon nga nasinatian ang mga aftershocks sa pipila ka bahin sa Mindanao ug dinhi sa Davao Region.
Ang mga pribado nga eskwelahan gihatagan ug katungod sa pagsuspenso sa mga klase, apan giawhag nga buhaton kini alang sa kaluwasan sa mga estudyante ug mga empleyado.
Sa pikas bahin, sa talaan sa Philippine Institute of Volcanology and Seismology (PHIVOLCS-DOST) anaa na sa 1,726 aftershocks diin ang pinaka-hinay anaa sa 1.4 ug pinakakusog muabot sa 6.6 magnitude ang pagtay-og.
