Suspendido ru pilang ka mga pampublikong eskwelahan sa probinsya’t Aklan dahil sa maea-in nga teimpo makarong adlaw, Mayo 31, 2023.
Base sa gin paguwa nga abiso ni Kalibo Mayor Juris Sucro, suspendido ru klase sa Day Care, Kindergarten ag Elementary Levels sa Kalibo.
Raya hay bangud sa orange rainfall warning sa bilog nga probinsya’t Aklan.
Suspendido man ru klase sa tanan nga level sa Ibajay matapos nga pumaguwa man it abiso si Ibajay Mayor Miguel Miraflores.
Suspendido man ru klase sa tanan nga lebel ag sueod sa mga opisina sa Nabas.
Sa makaron, naga pabilin ru magae-umon nga kaeangitan sa probinsya ag may mauean ng apaniempo ru bilog nga probnisya.
Base sa gin paguwa nga advisory it Department of Science ang Technology -Philippine Atmospheric , geophysical and Astronomical Services Administration (DOST-PAGASA), una sa yellow alert ru Negros Occidental, Orange Alert sa Aklan ag Guimaras ag Red Alert Status ru Probinsya’t Antique ag Iloilo.//MARIVIC Y. ILIN
