Naka-alerto sa karon ang mga barangay tanod kag opisyales sang Brgy. Tanque, Roxas City sa nagakatabo nga kinawatay sa ila lugar.
Suno kay Kapitan Anita Bitio-on, padayon ang pag-roving sang iya mga tanod sa tion sang kagab-ihon asta kaaganhon. Nahibaluan, isa lang ang suspek sa pagpangawat sa pila ka mga kabalayan base man sa kuha sang CCTV footage. Ang suspek nga ginatudlo ang ginapahayag taga-Brgy. Baybay.
Dugang pa ni Bito-on, indi gid nila ma-tyempohan nga madakpan ang suspek bangud kasubong ginabantayan man sini ang hulang sang mga tanod kag lain-lain nga mga barangay ang ginapadulungan sini agud makapangita sang biktimahon. | Judy Ann Juare
