Dalawampu’t isang baril ang isinuko ng kinatawan ng Kingdom of Jesus Christ sa Criminal Investigation and Detection Group sa Davao City nitong Sabado.
Ayon kay CIDG Director, PMGEN LEO FRANCISCO, isinuko ng isang Atty. Israelito ang mga baril na pag-aari ng isang Cresente Chavez Canada.
Isinuko ng mga baril sa Kingdom of Jesus Christ Compound sa Sasa, Davao City.
Sinabi ni MGen. Francisco na ang pagsuko ng mga baril ay bahagi ng kampanya laban sa loose firearms o ang Oplan Paglalansag Omega ng PNP.
