Isinusulong ni Representative Perci Cendana ang isang panukalang batas na layong maglatag ng makataongh solusyon sa problema sa ilegal na droga habang pinoprotektahan ang karapatan ng mga indibidwal.
Batay sa Public Health Approach to Drug Use Act na tatawagin ding “Kian Bill”, wawakasan ang mga pagpatay ng mga inosenteng buhay tulad ni Kian Delos Santos na sinasabing biktima ng war on drugs ng nagdaang administrasyon.
Sa halip na dahas at bala ay sosolusyunan aniya ang suliranin sa pamamagitan ng direktang lingap sa drug users.
Tuluyang ipagbabawal ng panukala ang paggamit ng marahas na pamamaraan kabilang ang “Tokhang” o drug lists, torture, unlawful police interference at iba pang ginamit sa drug war.
Bukod dito, magkakaroon ng community-based health approach at social support interventions.
