Patuloy ang paghahanda ng House Committee on Human Rights para sa nalalapit na pagdinig hinggil sa war on drugs ng administrasyon ni dating Pangulong Rodrigo Duterte sa Miyerkules.
Sa panayam ng Brigada News FM kay House Committee on Human Rights Chair Rep. Benny Abante, sinabi nitong iniimbitahan pa nila ang ilang key persons, habang may ilan nang nagbigay ng pagtitiyak na sila ay dadalo sa hearing.
Muling binigyang-diin ni Abante na hindi nila ipatatawag si dating Philippine National Police (PNP) chief Senador Bato Dela Rosa at si dating Pangulong Duterte dahil sa courtesy.
Dahil dito, si dating former director General Albayalde umano ang kanilang iimbitahan para sa imbestigasyon, gayundin ang dating namumuno sa NCRPO.
Sa huli, tiniyak naman ng mambabatas na nakadepende na sa senador kung nais nitong dumalo sa isasagawang pagdinig.
