Nagpanawagan makarun si Market Supervisor Noe Pador sa mga vendor nga iproseso eon ro andang business permit bago sanda magsaylo sa temporaryong public market iya sa banwa it Kalibo.
Raya hay matapos masayran nga katunga it kabilugan nga 900 vendors sa Kalibo Public Market ro owa gihapon naka-renew it andang business permit sa local government it Kalibo.
Temporaryo anay nga ginsaylo ro mga negosyante sa San Lorenzo Road sa Barangay Andagao samtang ginapatigayun ro konstruksyon sa Kalibo Public Market matapos raya nga masunog ku September 2019. // ANN DESLENE SALAZAR
