Nalandig sa balay tambalanan ang usa ka katapo sa PNP-SWAT nga na-destino sa dakbayan San Carlos human nga matud pa aksidente niining napulisan ang iyang kaugalingon.
Sa interview sa Brigada News Team kang PCapt. Honey Labaro, Deputy Chief of Police for Operation sa San Carlos PNP, na-abunohan na og dugo ang maong police og nag-preparar na kini para ma-operahan.
Dugang pa niini nahitabo ang maong aksidente pasado ala 1 sa tungang gabie, Hulyo 21, 2024 sa Urban Phase 1, Fatima Village, Brgy. Rizal ning dakbayan diin matod pa ni Labaro, nipauli na ang maong pulis gikan sa duty dihang kaistorya niini ang iyang hinigugma atubangan sa ilang balay, nahulog ang iyang pusil og gipunit kini sa iyang uyab og sa dihang iya kining gikuha, gisulod niya kini sa iyang sling bag apan matud pa, nasangit kini sa iyang nawong og didto nahitabo ang insidente.
Saysay pa ni Labaro basi sa ilang imbestigasyon, walay nahitabo nga bisan unsang komosyon og aksidente ang maong panghitabo.
Naka-agom og samad pinusilan ang SWAT member sa iyang tuo nga apapangig ug sigon pa ni Labaro, conscious na kini.
Sa karon, mihatag og pahimangno ang Provincial Command sa NOCCPO sa ilang mga personnel kalabot sa insakto nga pag-handle sa ilang mga armas de fuego, subay sa maong panghitabo.
