Tuloy pa rin ang inihaing graft charges ng Office of the Ombudsman laban kina Health Secretary Francisco Duque at Department of Budget and Management procurement service (PS-DBM) Undersecretary Lloyd Christopher Lao.
Ito ay sa kabila ng pagbabasura sa administrative charges laban kay Duque para sa umano’y mga iregularidad sa pag-transfer ng P41.46 billion mula sa Department of Health (DOH) patungong PS-DBM.
Noong 2022, inirekomenda nina Sen. Richard Gordon at Sen. Risa Hontiveros ang paghahain ng reklamo laban kay Duque at sa iba pang opisyal ng Pharmally Pharmaceutical Corp., ilang buwan matapos ang Senate Blue Ribbon committee hearings sa procurement ng supplies at equipment noong panahon ng pandemya.
