SULOD sa Socksargen region isa ang General Santos City nga adunay ubos nga kaso sa Teen-Age Pregnancy. Matud ni Judith Janiola Department head sa Gensan City Population Management Office, sa tuig 2021 nga datus mikunhod sa 50 porsyento ang nabuntis nga nag-edad 10 hantod 19 anyos.
Dako matud pa og natabang ang pakig-alayon sa City Population office ngadto sa mga eskwelahan pinaagi sa Online Youth Forum advocacy kung asa ginatudluan ang mga kabataan nga makalikay sa mas sayo nga pagmabdos.
Luyo sa pandemya gipakusgan sa City Population office ang maong adbokasiya ug adunay 200 ka representante sa matag eskwelahan nga moapil kada session.
Sumala ni Janiola, sa maong pamaagi adunay dakong impact ang mga ginikanan, guidance counselor, ug mga youth leaders nga nagatudlo og impormasyon sa mga kabataan bag-o musulod sa kaminyoon ug kini dakong tabang sa ekonomiya sa Gensan. I Enamie Mogpon
