NAGPABILING tanggong sa selda sa Pendatun police station ang magtutudlo nga nasikop human nangayo og hubo nga litrato sa iyahang mga estudyante.
Sa gipagula nga progress report sa kapulisan, Agosto 13 sa buntag gisilbihan og bag-o na sab nga warrant of arrest sa kapulisan ang suspek nga naila kang alyas Rigor, 30-anyos, ulitawo ug residente sa Barangay San Isidro Kalabutan sa kasong anti-online sexual abuse or exploitation material.
Nakalatid sa warrant niini ang mokabat sa P300,000 nga pyansa.
Una nang nasikop sa kapulisan ang maestro kaniadtong Agosto 8 sa hapon sulod mismo sa classroom niini sa usa ka pampublikong eskwelahan sa Barangay Lagao tungod sa 8 counts sa online sexual abuse.
Luyo niini, nagdumili gihapon muhatag og impormasyon ang nahisgotang dinakpan. I Enamie Mogpon
–
