Nakataka ang Cebu City Police Office (CCPO) og pagkunhod sa ihap sa 8-focus crimes sa dakbayan base sa gihimong presentasyon sa Investigation and Detective Management Unit.
Ang walo ka mga gi-pokusan nga krimen mao ang murder, homicide, physical injury, rape, theft, robbery, car theft, ug motorcycle theft.
Kini ang gitaho ni CCPO director, Colonel Ireneo Dalogdog atol sa command conference nga gitambungan sa mga station commander ug mga hepe sa special units.
Matod ni Dalogdog, ila gyud kining gitutokan dungan sa pagbutyag nga makita kung unsa ka epektibo ang central beat patrol system sa CCPO ug ila kining masustiner.///
