LEGAZPI CITY – Uminabot na sa labi 6,000 an nairerehistrong kaso nin tuberculosis sa Bicol Region sa enot na quarter kan 2024 segun sa Department of Health (DOH) Bicol.
Segun kay DOH Bicol OIC Director 3 Rosa Maria Rempillo, basado sa saindang datos, nasa kabilugang 6,860 na an enrolled TB case sa rehiyon.
Dugang pa niya, naglangkaw man sa 6% an kaso kaini sa mga nakalihis na taon, kun sain hale sa 30,482, kan taon 2022, nagin 32,412 ini kan 2023.
Sa ngunyan, padagos man an pigsasagibong lakdang kan ahensya sa pag-control sa TB hasta sa magin TB-free na an Bicol asin makakatabang su boot digdi an kakaresibe pa sana nindang mobile x-ray van nin huli ta mas mairarani na ninda an serbisyo sa publiko orog na sa active case finding.
