Naniniwala si Justice Secretary Menardo Guevarra na hindi isolated case ang paglabag ni Gwyneth Chua sa mandatory quarantine para sa returning Overseas Filipinos.
Sinabi ni Guevarra na maaring nagsisimula na ang raket ng ilang indibidwal sa mga airport pa lang.
Aniya, posibleng mula sa airport pa lang ay pinauuwi na ang mga pasahero sa halip na dalhin ang mga ito sa quarantine facilities.
Matatandaan na tumakas si Chua mula sa mandatory five-day quarantine nito sa Berjaya Hotel upang umattend sa isang party sa Poblacion, Makati at magpunta sa maraming restaurants.
Base sa datos ng mga otoridad ay nagpositibo sa COVID-19 ang 15 close contacts ni Chua.
