BNFM Bicol-SUMIPA na sa kabuoang 123 ang kaso ng Pertussis sa Bicol Region.
Dahil dito ang Albay ay mayroon nang 52, Sorsogon na may 33, Camarines Sur na may 31 at parehong nakapagtala ng 2 kaso ang mga lalawigan ng Masbate at isa sa Camarines Norte habang 0 cases ang Catanduanes.
Ang mga datos ay ang pinagsamang Clinical at Laboratory confirmed cases simula Enero 1 hanggang Agosto 3 ng kasalukuyang taon.
Ang Pertussis o whooping cough, ay isang malubhang nakakahawang impeksyon sa respiratory na dulot ng bacteria na Bordetella Pertussis nakaraniwang nakakaapekto sa mga bata, partikular na sa mga sanggol at batang wala pang kumpletong bakuna na kumakalat naman sa pamamagitan ng droplet transmission.
Kaugnay nito patuloy ang pagsasagawa ng DOH Bicol ng mga aksyon kagaya ng contract tracing sa mga direktang nakasalamuha ng mga nagpositibo para sa agarang medikasyon. ### KENNETH BERMIL
