CAMARINES NORTE- Sumampa na sa 704 ang kabuuang bilang ng kaso ng COVID-19 sa Camarines Norte
Ito ang iniulat ng Department of Health- Bicol matapos makapagtala ng 26 na bagong kaso sa case bulletin kahapon
Ang mga bagong kaso ay naitala mula sa mga bayan ng Daet na may 11 habang 7 ang mula sa bayan ng Labo, 3 mula sa San Vicente, 2 mula sa bayan ng Talisay at may tig-i-isang kaso ang bayan ng Jose Panganiban, Paracale at san Lorenzo Ruiz
Umabot naman sa 443 ang lahat ng mga gumaling mula sa virus matapos makarekober ang 13 pasyente.
Ang Camarines Norte sa ngayon ay may 228 na aktibong kaso habang nanatili sa 32 ang kabuuang bilang ng mga nasawi sa sakit
