GIANGKON ni DepEd GenSan Schools Division Supt. Romelito Flores nga nakugang siya dihang nabasahan sa post sa Facebook ug sa balita ang may kalabutan sa nahimong kontrobersyal nga sayop sa module.
Kini matud pa ang kabahin sa sayop nga definition sa pulong nga aswang nga nahitabo niadto pang Pebrero ug migawas na usab tungod sa pagdungog sa Senado.
Segun niini nga sa DepEd GenSan ilaha gayud ginasigurado nga walay makagawas nga mga sipyat sa learning resource material nga ginagamit sa distant learning.
Ang gihimo matud pa niini mao ang pagmugna og spotters nga maoy magsuta sa sayop aron dali nila nga makorehian.
Sa pikas bahin gibutyag ni Flores nga sa July 10 na ang closing sa klase apan wala pa usab silay nakuha nga official nga deklarasyon gikan sa DepEd national kung kanus-a magsugod ang klase.
Nasayran nga nagrekomenda na ang DepEd national sa Pangulo alang sa
last week of August o mid September nga opening sa klase.
