Gin basura it piskalya ru kasong homicide nga gin pasaka it Malinao Municipal Police Station sa gina turong suspek sa pag patay kay Nicole Ann R. Santiago it Brgy. Lilo-an, Malinao, Aklan.
Suno sa pisklaya, uwa it sapat nga ebidensya kontra sa suspek nga si Francis Inamac, 33 anyos it Brgy San Roque,Malinao, Aklan.
Raya ru dahilan kun ham-an nga gin release ru suspek sa lock-up cell it Malinao MPS.
Samtang, padayon gihapon ru pag hinagpis it pamilya it biktima nga maangkon ru hustisya para sa biktima.
Sa makaron, nakaburol ru bangkay it biktima sa baeay it anang lola sa Brgy. Lilo-an, Malinao, Aklan.
Gina hueat pa ru decision it pamilya kun hin-uno ru schedule it eobong sa biktimang si Nicole.//MARIVIC Y. ILIN
