Sangka karendirya sa sueod it Kalibo Public Market ro hinaboy it hollow block it sangka fish vendor.
Base sa blotter report sa Kalibo PNP it complainant nga tag ana it karendirya, nagpaeapit sa andang pwestu ro fish vendor nga si certain Punday ag hinaboy sanda it hollow block.
Gin-eagas pa segun it tag-ana ro suspek ag kat natumba raya hay bumalik eon imaw sa anang karendirya pero ginbalikan pa segun sanda it suspek ag may daea eon raya nga kutsilyo.
Bangud sa natabo hay ginpakamayad it tag ana it karendirya nga ipa-blotter sa Kalibo PNP ro insidente. / ANN DESLENE SALAZAR
