Naubos tupok sang kalayo ang kusina sang isa karenderya sa Brgy. Poblacion, Dumalag, Capiz takna 1:22 kaina sang kaaganhon, Agosto 5.
Ginkilala ang tag-iya sang karenderya kay Pedro Aguro, 60-anyos, residente sang nasambit nga lugar.
Sandig sa BFP – Dumalag Fire Station, human sa light materials ang kusina rason nga madasig naglapta ang kalayo. Nadeklarar nga fire out takna 1:56 sang aga.
Ginabanta nagdangat sa P17,500 ang nangin kahalitan sang sunog. Sa karon, padayon pa ang imbestigasyon sang mga bumbero agud matumod ang gintunaan sang kalayo. | Judy Ann Juare
