Kinasing-kasing nga gibutyag sa labaw sa Bunawan Municipal Police Station nga padayon gihapon ang ilang pagpahigayon ug operasyon bisan paman anaa ang hulga sa Covid-19 aron nga mapatuman ang kahapsay ug kalinaw sa lungsod.
Sumala ni Police Captain Julius Vallejo ang hepe sa PNP Bunawan, nga walay puas ang ilang pagpahigayon ug operasyon sa mga wanted persons, loose fire-arms, anti illegal drugs ug ang hugot nga pagpatuman sa Municipal Ordinance nga gipakanaug sa lokal nga panggamhanan sa lungsod sa Bunawan.
Nanghinaot usab kini sa kooperasyon nga ipakita sa mga katawhan sa gikabutyag nga lungsod isip tabang sa gobyerno nga magpabilin gayud ang kahamsay sa lungsod.
