GIPAKUSGAN sa Department of Trade and Industry (DTI) sa GenSan ang semana nga pag-monitor sa presyo sa Noche Buena products. Tumong masiguro nga dunay paigong supply niini atol sa Kapaskuhan, butyag ni Marvin Genita, actiong division chief sa DTI-GenSan.
Matud ni Genita, sa monitoring sa mga merkado publiko sa dakbayan wala silay nakitang pagsaka sa presyo karong bulana tandi nakalabay. Pipila sumala pa ka dagkong tindahan ang naadtoan na nila ug nakita nila nga dunay paigong supply ug sakto ang presyo sa pagsugod sa pagdaghan sa mga mamalitay.
Gisiguro matud pa kanila sa mga tag-iya sa tindahan nga gisunod nila ang Suggested Retail Price (SRP) sa mga produkto. Paigo usab ang supply sa mga good tungod naa na sa alert level 2 status ang GenSan ug wala na kaayo’y mga border restrictions. Gihingusgan ni Genita nga gipahimangnoan nila ang mga tag-iya og tindahan sa giisyu nilang SRP atong Nobyembre 23, 2021.
Kahibaloan nga ang noche buenqa products sama sa ham, quezo de bola ug sandwich spread ang dunay adjusted prices ug ubang prices increase base sa Nobyembre 23 SRP tungod sa pagsaka sa ilang transportation cost ug presyo sa raw material. I Richel Gubalani
