GIBUTANGAN og pulis sa General Santoc City Police Office (GSCPO) ang mga lugar nga dunay Ramadan-related activities.
Wala gihatag ni Police Col. Nicomedes Olaivar Jr., director sa GSCPO ang ensaktong ihap sa gipakatawag nga police officer sa maong mga lugar. Apan gibutyag niini nga ang kapulisan ang nakighiusa sa igsuong Muslim sa pag-obserba Ramadan.
Ang Ramadan ang bulan alang sa kaigsuong Muslim asa sila nag-oberba sa fasting.
Dugang sa opisyal, duna usab aktibidad ang kapulisan alang sa Muslim nga naa sa police force.
Kahibaloan nga gideklara sa National Commission on Muslim Filipinos ang opisyal nga pagsugod sa Ramadan gahapon Martes base sa moon sighting. I Richel Gubalani
