SUBLING giawhag sa kapulisan ang publiko nga mosunod sa balaud kalabut sa gibawal nga aktibidad sa electronic sabong o e-sabong.
Matud ni Police Brig. Gen. Jimili Macaraeg, regional director sa Police Regional Office (PRO) 12 nga padayon ang ilang pagmonitor sa mga posibleng nagpabiling aktibidad sa e-sabong sa rehiyon. Ang pamahayag ni Macaraeg ang dungan sa subling mandu sa Department of Interior and Local Government (DILG) pinaagi ni Secretary Benjamin Abalos nga sirad-an ang tanang masuta nga dunay operasyon sa e-sabong.
Una nang, gibutyag sa DILG nga dunay mga taho nga dunay mga “e-sabong” companies nga nag-operate nga walay lisensiya, kini ang pagsupak sa una nang direktiba nga undangon ang illegal gambling activity.
Giawhag usab ni Macaraeg ang publiko nga undangon na ang pagkaapel sa aktibidad sa e-sabong tungod sa dili maayong epekto niini partikular sa pamuyo sa mag-pamilya. Kahibaloan nga nakalabay’ng tuig, gipasarado na sa siyudad ang pipila ka establisihmento nga dunay e-sabong activities. I Richel Gubalani
