MAY drastic action na nga buhaton ang kapulisan kung mausab pa ang pag-disco sa Brgy.Buayan nga walay special permit gikan sa City Permits Office ug pagtugot gikan sa local IATF.
Kini ang gihingusgan ni Col. Gilberto Tuzon, city PNP Director sa GenSan nga bisan mogamit pa og pangalan sa mayor ang kapitan sa Buayan nga si Rogelio Solis, ilaha gayud ipaundang ang pag-disco basta walay igong pagtugot.
Ang kamanduan matud pa niini sa mga sakop nga ipatuman ang balaod ug kinsa man ang mulapas, dakpon ug kasuhan.
Sa kasamtangan gibutyag ni Tuzon nga giimbestigahan na sa nagkadaiyang unit sa kapulisan ang nahitabong pagpa-disco ni Solis sa ilang barangay ug sa pagpamalikas sa mga pulis nga nagrespondi.
Gihulat na lang ang statement sa mga sakop ingon man ang affidavit aron masuta kung unsa ang himuong aksyon.
Una na usab gibutyag sa labaw sa City Permits nga walay special permit ang maong pa-disco gawas pa nga wala usab ginatugutan ang susamang panagtapok.
Photo for Illustration only
