KINATIBUK-ANG 143,363 katao sa Soccsksargen region ang nabakunahan batok sa Covid-19. Kini sa unang adlaw sa tulo kaadlaw sa “Bayanihan, Bakunahan” national vaccination campaign nga nagsugod atong Lunes.
Ang naangkon nga numero sa unang adlaw sa massive vaccination ang gikonsidera ni Dr. Edvir Jane Montañer, national immunization coordinator sa Department of Health (DOH) 12 Center for Health Development nga ‘good figures’.
Luyo sa wala pagkab-ot sa rehiyon sa punting nga 311,894 daily target nga nabakunahan batok sa virus gikan sa gimuntar nga vaccination sites. Sa datus sa ahensiya, naa na sa 881,278 o 25.25% ang fully vaccinated sa rehiyon gikan sa target population. Dugang ni Montañer, luyo sa pag-ubos sa kaso sa virus sa rehiyon importante nga mabakunahan ang tanan. Labi na karon nga naa ang bahad sa bag-ong variant nga mao ang omicron nga gikaengong mas paspas mokatag tandi sa delta variants. ( Richel Gubalani)
