Blangko pa gihapon ang kapulisan sa Island Garden City of Samal kung si kinsa ang responsable sa pagpamutol og ulo sa upat ka mga itoy sa Barangay San Miguel sa maong isla.
Sumala kang Police Major Romeo Mapanao, hepe sa Samal PNP, walay pay midangop sa ilang buhatan aron mutudlo sa responsable sa pagpatay sa mga iro human dunay gitanyag nga P15,000 reward alang sa makahimo niini.
Naglaum si Mapanao nga madakpan sa dili nga singko-mil pesos ni Brgy. Kapitan Dionn Phillip Balatero Heramil ug laing dyes-mil gikan sa usa ka Jimmy.
Nasayran nga wala’y nanag-iya sa mga itoy apan dunay usa ka mialima sa mag mananap ayha kini napalgang gipanglungguan og mga ulo dayon gipanglinya ug gipangplastar ang mga ulo.
Kahibaluang basi sa Republic Act 10631 kon Animal Welfare Act, dunay silot ang ipahamtang sa mga madakpan nga nagpasipala sama sa abandonment, abuse, dog fights, hit&run, pagpatay, neglecting ug maltreatment sa mga hayop.
Pagkabilanggo gikan usa hantud tulo ka tuig ug multa gikan P30,000 hangtud P250,000.00 ang mamahimong atubangon sa mga masinupakon sa balaud. BNFM-DAVAO
