ILOILO — Blangko gihapon ro Passi City Police sa kung sin-o ro responsable sa natabo nga ambush sa sangka van sa Barangay Aglalana, Passi City, Iloilo nga ginkamatay it daywang katawo ag sambilog ro naninahan.
Hasta makarun hay owa it konkretong ginabuytan nga ebidensya ro mga kapulisan kaangot sa background it mga biktima sa krimen.
Matandaan nga natabo ro ambush ku Setyembre 25, nga ginkamatay nanday Jennylyn Griño, 32yo it Tanza Esperanza, Iloilo City Proper, ag Jomar Fuentes it Panit-an, Capiz samtang naninahan man si Kenneth Campos Dorado it Bahit, Panit-an, Capiz.
Igapaidaeum man sa autopsy ro bangkay it daywa ka napatay nga biktima.
Nasayuran nga bag-o ro ambush hay may nababatun eon nga pagpamaeag si Dorado kaangot sa mga dati kara nga ginaeakutan nga kaso. / ANN DESLENE SALAZAR
