MAY nakahan-ay na nga plano ang provincial government sa Sarangani kabahin sa gitawag ni Gov. Ruel Pacquiao nga ‘monster’ nga kapobrehon sa probinsya.
Sa latest nga datos gikan sa Philippine Statistics Authority kun PSA usa ang Sarangani Province sa mga probinsya sa Pilipinas nga anaay highest poverty incidence sa 41 percent.
Apan sa datos sa Zero Extreme Poverty PH 2030, ang Sarangani Province ang usa sa 10 poorest provinces sa Pilipinas asa mokabat sa 36 percent sa ilang populasyon ang kabus.
Tungod niini gibutyag ni Atty Ryan Jay Ramos, provincial administrator sa Sarangani Province nga makigtagbo sila sa PSA kauban ang community based monitoring system sa probinsya aron maka-take off sila unsa ang himuon.
Apan gibutyag ni Ramos, nga gipatutukan na ni Gov.Pacquiao ang problema sa kapobrehon hinungdan magmugna og poverty reduction council/committee aron maoy mag formulate sa poverty reduction plan sa pakig-alayun usab sa mga LGU’s ug stakeholders.
Aron matubag ang kapobrehon, upat ka entry points ang tutukan, kini mao ang agriculture and fisheries, health and nutrition, education and livelihood aron makasuporta sa ‘poorest of the poor’.
Gusto usab daw makig-alayun sa mga eksperto ang gobernador aron matubag ang problema sa kapobrehon, nga nasubay usab sa flagship program nga Ronda Probinsya.
