Nababagan sa kapulisan ug kasundalohan ang usa ka pasahero sa bus nga misulay sa pagpalusot og iligal nga droga pasulod sa syudad sa Davao kagahapon sa buntag, Setyembre 3, 2023.
Gumikan sa hugot nga seguridad nga gipatuman sa AFP-PNP Checkpoint sa Brgy Lasang, Bunawan District, nadakpan atol sa pagrekisa ang suspek nga nailang si Jethro Angob Magdayao, 33 anyos, ulitawo nga taga-Brgy. Mankilam, Tagum City.
Nakuha sa iyang posisyon ang pakete sa gituohang shabu nga mutimbang sa kapin kon kulang 3.34 grams ug munalor sa P53,440.00.
Kasamtangan, paslak na sa bilangguan sa Bunawan Police Station, samtang nag atubang sa kasong kalapasan sa RA 9165 kon Comprehensive Dangerous Drugs Act of 2002 ang dinakpan.
