Narekober 25 tanan ka sachets sang ginasupetsahan shabu kag isa ka armas-luthang ang narekober sang kapulisan sa duha ka mga indibidwal sa ginkasa nga operasyon takna alas 12:27 Sabado nga adlaw, sa Brgy. Timpas, Panitan, Capiz.
Ginkilala ang target sang operasyon kag ginakabig isa priority target list kag isa ka high value individual nga si alyas “Jan-jan”, 26-anyos residente sang amo nga lugar kaupod ang abyan sini nga si alyas “Jela”, 25-anyos, kag residente naman sang Brgy. Solo, Pontevedra.
Magapangatubang sang nagakaigo nga kaso ang duha matapos nakuha ang 120 gramos nga illegal nga droga nga may standard drug price nga P816,000; isa ka unit sang homemade 12-gauge shotgun; 2 ka live ammunition; kag P10,000 nga bust money.
