GIKUMPIRMA ni Allan Marcilla, labaw sa City Environment and Natural Resources nga anaa sa 20 hangtud 30 ka mga empleyado sa CENRO sa GenSan ang nasulod sa ospital sa Surigao tungod sa pagpanakit sa tiyan ug pagsuka suka.
Matud ni Marcilla, nga wala siya maapil nga naospital tungod wala kini mikaon og seafoods.
Mokabat matud pa sila sa gatus ka mga empleyado sa CENRO nga gilangkuban sa regular ug job order workers nga miadto sa Surigao alang sa annual operations review.
Dugang ni Marcilla nga maayo na usab ang kahimtang sa mga nasulod sa ospital human mahatagan og treatment. Sa karon ginasuta matud pa sa doctor sa ospital nga gidad-an sa mga empleyado kung unsa ang hinungdan sa ilang pagkasulod sa ospital.
