Personal nga nga gitunolan og hinabang ni kanhi Pangulong Rodrigo Duterte ang pamilya sa namatay nga mga pulis sa nahitabong pagpanigbas sa Purok 4, Barangay Lacson, Calinan District, ning syudad.
Gibisita sa kanhi pangulo ang haya ni PCpl. Corsino niadtong Hulyo 31 alas-6:00 sa gabii sa panimalay niini sa San Francisco St., Mintal, Tugbok District, Davao City.
Miduyog si Duterte ug mipadayag sa iyang pahasubo sa pamilya sa mga biktima nga sila PSMS Tito Didal Lague ug PCpl Mark Anthony Elman Corsino.
Una na nga gipasalig ni Davao City Mayor Sebastian Duterte nga hatagan og benepisyo ug hinabang labi na sa mga panginahanglanon sa nabilin nga pamilya sa duha ka mga pulis.
Kalakip sab nga gimando sa mayor sa Davao City Police Office (DCPO) ang hinabang pinansyal sa mga naangol nga sila PCpl Ken Leo Gumanoy ug mobile patrol driver nga si Donald Ombrete.
