Dakpan ang usa ka kanhi sundalo ug kauban niini sa gilusad nga OPLAN Paglalansag Omega (Campaign against loose firearms)pinaagi sa buy bust sa Shell Gasoline Station, Km 5, Buhangin, ning syudad sa Davao alas-8:55 sa buntag kagahapong adlawa, Nobyembre 3, 2023.
Ang mga dinakpan nailang sila Greg Habagat Bacus, 49, kanhi sakop sa Philippine Army ug nag Absence Without Leave nga taga-Brgy. Astorga, Sta. Cruz, Davao Del Sur; ug usa ka Amanto Edza Ali, 32, minyo, driver ug residente sa Buluan Maguindanao.
Nakuha sa posisyon sa dinakpan ang usa ka unit sa nga color brown M-14 US Rifle 7.62 MM, usa ka unit sa color black M-14 US Rifle 7.62 MM, usa ka M-14 steel magazine, napulo ka bala, usa ka M-14 steel magazine, Nineteen (19) ka bala, usa ka unit sa ARMSCOR 9mm pistol, usa ka 9mm steel magazine, siyam ka bala sa 9mm, usa ka black holster, usa ka color black gun bag, usa ka unit sa OPPO cellphone, usa ka unit sa cellphone, envelope, ug P1,000 nga boodle money.
Ang mga nahigsutan gikustodiya sa Bajada Police Station alang sa booking procedure ug documentation. Kasong paglapas sa R.A. 10591 ug Batas Pambansa Blg. 881 (Omnibus Election Code) ang giandam alang sa pagpasaka og kaso.
