Nangayo karon og tabang ang magtutudlo sa iyang mga kaubanan sa tulonghaan alang sa iyang estudyante nga gitabangan og kulata sa sumala pa tulo ka mga lalaki sa Toril ning dakbayan sa Davao.
Kahibaloan nga nagtreding karon sa social media ang batan-ong lalaki kinsa labihang bun-oga human nga gitabangan og kulata.
Naila ang maong lalaki nga si Alyas Gardo, 20 anyos nga taga-Toril ning syudad.
Sa pagkontak sa Brigada News Team sa igsuon sa batan-on nga si Alyas Roxan, gikanayon niini nga dunay fracture sa panga nga bahin sa batan-on.
Gani, makita sab sa panagway niini pinaagi sa post sa social media, labihang bun-oga ug nakaangkon og mga samad sa nawong ug liog.
Dugang pa sa igsuon sa biktima nga medyo anaa na sa maayung kahimtang ang lalaki, apan padayon pa ang iyang pagpaalim.
Tipik lamang ang gihatag nga pahayag sa kabanay gumikan padayon pa sab sumala pa nila nga giila ang mga nangulata sa batan-ong lalaki.
