NAKASUHAN ang kanhi bus inspector human nga maoy gitudlong naka dunggab angol sa usa ka bus driver sa National Highway, Barangay City Heights, Gensan.
Subay sa report sa San Isidro Police Station ang gikasuhan mao si Arnel Montawil, temporaryo nga nagpuyo sa Barangay Mabuhay, Gensan, kasong attempted murder apan sa paggawas sa resolution sa Prosecutors Office niubos kini sa frustrated homicide.
Mokabat sa P72,000 ang pyansa sa akusado mao nga nakagawas usab sa selda sa presento kwatro.
Kahibaluan nga ang biktima mao si Jeffrey Dumanayos, 44-anyos nga taga Compostela Valley, nahitabo ang pagpanunggab kaniadtong Abril 25 sa kasamtangan nga tuig. I Ver Diazon
