Ginpatigayun ro blessing ag inauguration sa Kangaroo Mother Care Unit sa Aklan Provincial Hospital ku adlaw it Biyernes, July 8, 2022.
Ginpangunahan raya it Aklan Provincial Government pinaagi it Dr. Rafael S. Tumbokon Memorial Hospital kaeakip ro mga health partners, World Health Organization (WHO) ag Korea International Cooperation Agency Philippines.
Ro Kangaroo Mother Care Unit hay sangka special ward kung siin ro mga nanay hay pwedeng magtao it KMC sa andang premature o low birthweight nga eapsag.
Suno sa WHO, ro KMC hay skin-to-skin contact ag exclusive breastfeeding kung siin raya hay makabulig it mabahoe sa pagpataas it tsansa it survival it eapsag nga premature o low birthweight. / ANN DESLENE SALAZAR
