Insigida nga ginbuhian sa baybayon it Brgy. Ipil sa banwa it Batan, Aklan ro sangka “Green Sea Turtle” nga may scientific name (Chelonia Mydas) nga ginaboebanta nga may bug-at nga 15 kls; haba nga 17 inches ag eapad nga 16 inches.
Ro green sea turtle hay ro pinakamabahoe nga hard-shelled sea turtle.
Kakaiba sa tanan ro nasambit nga sea turtles bangud sanda hay herbivores o nagakaun it hilamon sa dagat ag algae.
Matandaan nga sangka tawag ro nabatun it Aklan MARPSTA Dumaguit halin sa Municipal Agriculturist of Batan nga naga-imporma nga sangka residente it Brgy. Ipil nga ginkilaea nga si Mayden Zarandona ro nakakita it pawikan ag gin-turn over kanda.
Insigida man nga rumesponde sa area ro Aklan MARPSTA Dumaguit personnel ag kaibahan ro Municipal Agriculturist of Batan hay gin-release nanda sa dagat ro nasambit nga green sea turtle. / ANN DESLENE SALAZAR
