GIMULO sa mga tawo ang usa ka kanal sa Barangay Apopong nga nakatiwang-wang og wala gibuhat og tarung, rason nga nalisdan ang mga residente sa pag-agi ug sila nalang ang nagahimo og inisyatibo nga sementohon kini aron maagian sa mga tawo lakip mga motorsiklo.
Matud ni Erlinda Martinez dugay na siyang nagpuyo sa lugar ug kanunay niyang giproblema ang ilang agianan tungod ginakab-kaban sa tubig ang yuta nga natindogan sa ilang mga balay.
Tungod sa padayon nga pag-ulan nagtinabangay na lamang ang mga tawo nga nagpuyo dinhi aron dili matam-an og kaguba.
Wala na usab sila gahulat sa gobyerno nga molihok niini tungod dugay nan ga higayon silang naghangyo apan wala pa gi-ayo.
Gipanghinaot nila nga adunay motabang bisan semento lang ang mahatag kanila ug sila nalang ang magtinabangay aron ayuhon ang kanal kay dinhi usab sila naga-agi aron makalahos sa pikas kung asa nahimutang ang ilang mga balay. I Enamie Mogpon
