Nagaka-alarma sa karon ang katapo sang Hinigaran Municipal Police Station (HMPS) sa pagsaka sang narekord nga mga vehicular accident sa banwa sang Hinigaran sa sulod sang una ka anum nga bulan sang 2024.
Bangud sini, ginapawaga sa karon ang kampanya sa pagsukok sang helmet sa tanan nga motorista indi lamang sa banwa sang Hinigran kundi pati na sa kaipig sini nga mga kasyudaran kag kabanwahan.
Base sa ekslusibo nga interbyu sang Brigada Kabankalan sa kay PLCAPT. Voltaire Sy, ang Deputy Chief of Police sang Hinigaran MPS nga kalabanan sa ginatuna-an sa pagkapatay sang mga aksidente sa dalanon sa amo nga banwa amo ang wala sang suksok nga hemet.
Ginklaro man ni Sy nga may yara lamang sang banwa kag syudad nga hugot ang pagdumili sang full face helmet angut sa pagluntad sang krimen kaangay sang mga riding-in-tandem sang tinalikdan nga mga tinuig.
