Gumikan sa mas gipakusgan pa nga kampanya batok Bora-bora nga mga motorsiklo, daghan gihapon ang mga nadakpan nga mga masinupakon sa operasyon nga gilusad sa Davao City Police Office.
Sa talaan sa DCPO, kinatibuk-ang 33 CTC citations ang naisyu nga resulta sa Php 25,500.00 nga multa nga nalikom.
Samtang, nakapahigayon sab og 340 operations maykalabotan sa RA 4136 kon Land Transportation And Traffic Code. Anaa sa 239 Temporary Operator’s Permits ang naisyu diin miabot sa Php 534,197.00 nga multa.
Gumikan sa pagpatuman sa C.O 0334-12 (Comprehensive Transport and Traf ic Code of Davao City), miresulta sa 684 ka mga operasyon ug ang pag-isyu sa 1,630 ka Citation Tickets, nga misangpot sa dakong koleksyon nga Php 721,003.00 nga multa.
Kinatibuk-an, Php 1,280,700.00 nga multa ang nakolekta gikan sa tanang malapason.
Dakong tabang ang maong operasyon alang sa mas luwas ug hapsay nga palibot alang sa mga residente sa dakbayan sa Davao.
