Inamin ni Senate Committee on Environment, Natural Resources and Climate Change, Chairperson, Senadora Cynthia Villar na ngayon lang sila nakaranas sa Senado ng pagbaha matapos ang naging pananalasa ng Bagyong Carina.
Anya, posibleng tama ang ilang senador na ang reclamation projects na isinasagawa sa Manila ang sanhi nito.
Una na rito, sinabi ng ilang senador tulad nina Senador JV Ejercito at Senador Migz Zubiri na maaring nagdulot ito ng pagbaha dahil wala ng malabasan ng flood water sa Pasay at Manila.
Samantala, binigyang-diin ni Villar na importanteng maprotektahan ang Senate grounds lalo na’t pagmamay-ari ito ng gobyerno.
Anya, kung hindi kase ito maisasaayos ay maaring malaking pera ang mawala sa pamahalaan sa pagbaba ng value nito.
Kasunod nito, iminungkahi niyang idaan sa mabusising pag-aaral ang pagbibigay ng pondo para sa flood control.
