Madinaeag on nga napabilin it Kalibo Municipal Police Station sa pagpamuno ni PLTCOL Ricky E Bontogon, OIC, ro matawhay ag salbar nga pag obserba it Oplan Undas 2023.
Sa pagpatuman it sari-sari nga istratehiya ag suporta it pilang organisasyon, naitukod ro Police Assistance Desk sa mga sementeryo sa banwa it Kalibo.
Bilang kaparte it komprehensibong security plan, aktibong ginpakalat ro Kalibo Auxiliary Police, Municipal Disaster Risk Reduction and Management Office (MDRRMO) Kalibo, Bureau of Fire Kalibo, ag iba pang Force Multipliers, para epektibong pamunuan ro pagdagsa it mga bisita ag magtao it traffic assistance.
Ro Police Assistance Desk, hay nakabulig it mabahoe sa pagpabilin it peace and order sa Oplan Undas 2023.
Nagpasaeamat man si PLTCOL Ricky E Bontogon, sa tanan nga mga naging kaparte para maging madinaeag on ro pag obserba sa Oplan Undas 2023.
Gin insister it Hepe ro importansya it pagbueoligan nga magkaibahan, koordinasyon ag pag intra it komunidad sa pagpabilin it katawhayan ag pagkaisa. // ANN DESLENE SALAZAR
