LEGAZPI CITY – Nagkondusir nin massive clearing operation an street sweepers kan Daraga Municipal Environment and Natural Resources Office (MENRO) makalihis na magharale na an mga parantinda nin burak sa banwaan para sa nakaaging na Undas.
Duman ini partikularmente sa palibot kan Daraga Covered Court kun sain segun kay Engr. Johnvic Grageda, OIC kan naunambitang opisina, parte ini kan saindang lakdang nganing mamantenir an kalinigan kan kapalibutan.
Katakod kaini, nangapodan man siya sa mga residente kan banwaan na magin responsable sa pagtapok nin basura, bako sana kun sain-sain asin rumdumon pirmi an tamang pagsegregar.
