Kaangot sa selebrasyon it Kalibo Sr. Sto. Niño Ati-Atihan Festival, magapatigayun ro Local Government Unit it Kalibo ag Department of Trade and Industry – Aklan Provincial Office it Kalibo Ati-Atihan Product Expo 2024 umpisa sa January 15-21, 2024.
Iga-showcase sa 6 nga adlaw nga trade fair ro mga pinakamanami nga produkto sa Aklan nga igapakita it Kalibo-based micro, small and medium enterprises (MSMEs).
Igapakita kara ro world-class craftsmanship it atong Aklanon MSMEs kaibahan ro mga kilaeang produktong pagkaun nga perpekto bilang pasalubong para sa mga potensyal nga magabakae ag bisita sa panahon it selebrasyon.
Ro opening program hay igapatigayun sa January 15, 2024 nga pagatambungan it LGU, buyers, exhibitors, ag iba pang bisita.
Sangka fashion show man ro pagahiwatun it Aklan Fashion Designers Association (AFDA) agud ipakita ro andang grupo sa selebrasyon it Kalibo Sr. Sto. Niño Ati-Atihan Festival. // ANN DESLENE SALAZAR
