Magapadayon ro mga direktang flight halin Taiwan paagtong Kalibo International Airport (KIA) sa Disyembre 29, 2022.
Kinumpirma it Civil Aviation Authority of the Philippines (CAAP)-Aklan manager nga si Engr. John William Fuerte nga ro TigerAir Taiwan it China Airlines Group hay uman nga maga-umpisa it mga flight gamit ro isaeang Airbus 320 aircraft nga may kapasidad nga magaabot it 180 pasahero.
Suno kay Fuerte, hara hay insaktong-insakto para sa pag-abot it mga turista ag bisita sa Boracay Island para sa pagselebrar it Bag-ong Dag-on ag sa Kalibo Ati-atihan Festival sa Enero.
Ro iba pang direktang internasyonal nga flight sa KIA hay halin sa Korea (Air Seoul, T’Way Airlines at JinAir) – daywang flight kada adlaw.
Ginasaligang magapaeawig ro mga airline ngara ro andang mga schedule sa Marso sa masunod nga dag-on.
Gin bulgar man it manager it CAAP-Aklan nga nagpahayag it interes ro mga airline company halin sa Singapore nga magkaroon it direktang flight paagtong Kalibo nga posibleng umpisahan nanda ro andang operasyon sa KIA sa unang parte it 2023.
May mga negosasyon man para magkaroon it direktang flight halin Malaysia ag China, hambae ni Fuerte nga kung siin ro mga hara hay makakabulig sa lokal nga industriya it turismo ag ekonomiya it lalawigan nga mag-umwad pa.//LABYRINTH R. BAYONA
Photo credit: Remate
