BNFM BICOL—Inihayag ni Bato, Catanduanes Mayor Juan Rodulfo, na problema ngayon sakanilang bayan ang kakulangan ng mga contact tracers sa gitna ng nagpapatuloy na nararanasang COVID-19 surge sa islang lalawigan.
Ayon kay Rodulfo, tatlong contact tracers lamang ang nakatalaga sa 27 barangay ng kanilang bayan na idineploy ng DILG. Upang makadagdag sa man power, tumutulong na rin umano sa mga ito ang mga personahe ng barangay upang kahit papaano ay mapabilis ang identification at monitoring sa mga closed contacts ng COVID-19 patients.
Sa ngayon, ay nakapagpadala na sila ng request sa DILG upang madagdagan ang mga contact tracers na idine-deploy sakanilang bayan lalo na at karamihan aniya sa mga tinatamaan ng COVID-19 sakanilang lugar. ay nagta-trabaho at nahahawaan sa mga karatig na bayan.
Matatandaan na nitong nakaraang linggo, umarangkada na ang pagsasailalim sa training ng mga contact tracers na idine-deploy sa Catanduanes, sa pamamagitan ng Compentency Standards for Contact Tracing Level 2 ng TESDA.
Dahil sa naturang pagsasanay, inaasahan na mas magkakaroon ng sapat na kaalaman ang mga contact tracers sa pagsasagawa ng profiling, contact identification, case investigation, monitoring at iba pa.###
